Takimi historik i presidentëve të dy Koreve, shtrëngojnë duart në kufi (Video/Foto)

Me një hap të vetëm mbi një pllakë të betonit të plasaritur, udhëheqësi i Koresë së Veriut, Kim Jong Un bëri një histori duke kaluar kufirin më të armatosur në botë për të përshëndetur rivalin, presidentin e Koresë së Jugut, Moon Jae-in.

Ata biseduan për armët bërthamore të Koresë së Veriut, shkruan e përditshmja britanike ‘Metro’, transmeton Indeksonline.

Ky takim është një ngjarje shumë e rëndësishme pas shumë viteve tension.

Shtrëngimi i duarve mes tyre është rezultat i përmirësimit të raporteve kohët e fundit dhe që i hap rrugë një takimi të mundshëm të Kim me Presidentin amerikan Donald Trump.

Armët bërthamore do të jenë në krye të rendit të ditës dhe samiti i së premtes do të jetë shenja më e qartë nëse është e mundur që në mënyrë paqësore t’i negociojnë ato armë nga një vend që ka kaluar dekada të tëra duke ndërtuar bomba, pavarësisht sanksioneve të prishura dhe kundërshtimeve të afërta ndërkombëtare.

Shikoni videon e takimit dhe të shtrëngimit të duarve në kufi mes Kim dhe Moon Jae-in./Indeksonline/