09:34 / E enjte, 12 Janar 2017

Kyçja dinamike mban të sigurtë kompjuterin kur përdoruesi largohet

Kyçja dinamike mban të sigurtë kompjuterin kur përdoruesi largohet

Microsoft po punon në një funksionalitet të ri të Windows 10 që do të kyçë automatikisht dhe të sigurojë PC-në tuaj kur sistemi operativ detekton se dikush është larguar nga kompjuteri.

Funksionaliteti quhet Kyçja Dinamike në ndërtimet testuese më të fundit të Windows 10 dhe Windows Central raporton se Microsoft i referohet këtij funksionaliteti si “Windows Goodbye”.

Microsoft për momentin përdor kamerat speciale Windows Hello për të lejuar përdoruesit që të hyjnë më PC-në e tyre vetëm duke treguar fytyrën.

Korporatat e mëdha i mësojnë punëtorët e tyre që të përdorin Winkey+L për të kyçur pajisjet e tyre kur ato nuk po punojnë, por ky funksionalitet i ri do ta automatizojë këtë proces.

Nuk është qartë se si Microsoft do të dallojë mungesën e aktiviteti, por është e mundur që kompania mund të përdorë pajisjet e përshtatshme me Windows Hello për të detektuar mungesën e aktivitetit dhe të kyçë pajisjen në përputhje me rrethanat.

Windows mundet të konfigurohet që ta bëjë këtë pas një periode kohe, por me sa duket Microsoft po e bën këtë funksionalitet të gatshëm për të gjithë në një opsion të thjeshtë për çdo kënd që ta aktivizojë. Microsoft po planifikon që të dërgojë Kyçjen Dinamike si pjesë e përditësimit Windows 10 Creators, që pritet të arrijë në Prill./PCA/


Lexo të tjera