Telefoni me shinë Nokia 8810 i Matrix-it rikthehet për 79 dollarë

Nokia 8810 – telefoni inovativ i kohës me shinë – ishte një prej telefonëve që të gjithë e pëlqenin por pak kishin mundësi ta blinin.

Ai u bë shumë popullor në filimin Matrix. Tashm HMD ka vendosur ta risjellë atë dhe pse jo ta shndërrojë në një hit.

Të dielën në Kongresin Mobil Botëror në Barcelonë, Nokia zyrtarisht zbuloi 8810-ën një telefon të thjeshtë me konektivitet 4G dhe aplikacione si Google Assistant, Maps, Search, Facebook, Twitter dhe Snake.

Bateria e tij mund të mbajë telefonin funksional për 17 ditë. Ai vjen i disponueshëm në dy ngjyra: verdhë dhe zezë.

Ky është telefoni i dytë i thjeshtë që HMD ka vendosur ta sjellë nga e kaluar. I pari, 3310-ta, u bë një hit.

Sistemi operativ mbi të cilin ndërtohet është KaiOS, posaçërisht për telefonët e thjeshtë. Bazohet në Linux por i ndërtuar mbi Firefox OS, një platfomë që Mozilla nuk e mbështet më.

Vetë KaiOS nuk përmendet në specifikat e telefonit. Si në të kaluarën, shina e telefoni përdoret për tu përgjigjur thirrjeve.

Specifikat e plota të harduerit të telefoni i gjeni mëposhtë:

• Rrjeti: 2G: 900/1800, 3G: WB-CDMA 1/5/8/39, 4G: FDD-LTE 1/3/5/7/8/20, TDD-LTE 39/40/41/(38)
• Sistemi Operativ: KaiOS
• Procesori: Qualcomm® 205 Mobile Platform (Dual Core 1.1 GHz)
• RAM: 512MB LPDDR3
• Memoria: 4GB eMMC
• Ekrani: 2.4-inç QVGA display, ekran i lakuar
• Kamera: 2MP e pasme
• Konekvititeti/Sensorët: Wi-Fi 802.11 b/g/n, BT 4.1, GPS/AGPS, micro USB 2.0, 3.5mm kufje
• Bateria: 1500mAh
• FM radio
• Audio: AAC, AMR, MP3, MIDI, Vorbis
• MicroSIM

Telefoni do të kushtojë 79 dollarë.