Hasmëria mes fiseve në Vlorë/ Xhaferaj refuzon të largohet nga spitali: Dua vetëmbrojtje, s’kam ku vete, më vrasin
Konfliktet dhe hasmëria mes dy fiseve Llanaj-Xhaferaj në Vlorë, duket se qëndrojnë pas atentatit në Selenicë të Vlorës, ku një 50-vjeçar i quajtur Jetnor Xhaferaj është tentuar të vritet me armë zjarri.
Xhaferaj ndodhet në Spitalin Ushtarak jashtë rrezikut për jetën,ku po merr mjekim pas plagëve të marra, dhe kërkesa e tij është të mos dal nga spitali pasi ka frikë dhe kërkon mbrojtje nga shteti.
Xhaferrit është qëlluar 30 herë, por fatmirësisht vetëm një plumb e ka kapur në dorë. Për Xhaferrin ky është atentati i dytë që i bëhet brenda një viti.
Në ambjentet e Spitalit Ushtarak ndodhej gazetarja e Top Channel, Anila Hoxha.
-Përse nuk ikën nga spitali?
“Dua vetëmbrojtje, s’kam ku vete, më vrasin”.
-Ka ardhur automjeti i policisë.
“Policia nuk më merr në mbrojtje. Më kanë bërë dy atentate. Kam kërkuar mbrojtje nga shteti, për jetën time”.
-Kur ka ndodhur atentati?
“Atentati ka ndodhur në datën 16 maj. I fundit ndodhi në datën 1 gusht”.
-Kush të qëlloi i njohe?
“Jo. Më qëlluan me breshëri automatike. Shtëpia është bërë shosh. Kjo është plagosja e parë dhe kjo është e dyta.
-Nga kush ke frikë?
“Jam me probleme. Hasmërinë e di shtetit e di çdo njeri”.
-Përse nuk ikën?
“Nuk kam ku iki, kërkoj mbrojtje. Të më mbroj shteti. Kam frikë nga hasmëria”.
-Do vazhdosh të qëndrosh në spital?
“Po do vazhdoj të qëndroj këtu”.