Themelohet Këshilli për Mbrojtjen e Konsumatorit, këta janë anëtarët (Dokument)
Kryeministri i Kosovës, Ramush Haradinaj sot ka marrë vendim që të themelohet Këshilli për Mbrojtjen e Konsumatorit.
Sipas vendimit të siguruar nga Indeksonline, Këshilli do të përbëhet nga 7 anëtarë.
Vendimi u mor në bazë të Ligjit për Mbrojtjen e Konsumatorit.
Më poshtë gjeni vendimin e plotë të nënshkruar nga kryeministri Haradinaj:
“Në mbështetje të nenit 92 paragrafi 4 dhe nenit 93 paragrafi (4) të Kushtetutës së Republikës së Kosovës, të nenit 69 të Ligjit nr. 04/L-121 për Mbrojtjen e Konsumatorit, duke u bazuar në nenin 4 të Rregullores nr. 2/2011 për Fushat e Përgjegjësisë Administrative të Zyrës së Kryeministrit dhe Ministrive, e ndryshuar dhe e plotësuar me Rregulloren nr. 14/2017, me Rregulloren nr. 15/2017 dhe me Rregulloren nr. 16/2017 si dhe në nenin 19 të Rregullores së Punës së Qeverisë së Republikës së Kosovës nr. 09/2011, Qeveria e Republikës së Kosovës, në mbledhjen e mbajtur më 20 shkurt 2018, nxjerr këtë:
V E N D I M
1. Themelohet Këshilli për Mbrojtjen e Konsumatorit.
2. Këshilli përbëhet nga shtatë (7) anëtarë, në këtë përbërje:
2.1. Sherif Fejzullahu, kryesues/ Ekspert i pavarur;
2.2. Plator Gërdovci, anëtar/ Ministria e Tregtisë dhe Industrisë;
2.3. Berat Ahmeti, anëtar/ Ministria e Tregtisë dhe Industrisë;
2.4. Ibrahim Tershnjaku, anëtar/ Agjencia e Ushqimit dhe Veterinës;
2.5. Hivzi Dragidella, anëtar/ Oda Ekonomike e Kosovës;
2.6. Lumnije Ajdini, anëtare/ Aleanca Kosovare e Biznesit;
2.7. Selatin Kaçaniku, anëtar/ Organizata e Konsumatorit.
3. Këshilli detyrat e tij i kryen në përputhje me nenin 69 të Ligjit n3. 04/L-121 për Mbrojtjen e Konsumatorit.
4. Sipas nevojës dhe rrethanave, Këshilli mund të kërkojë informata shtesë dhe ekspertizë prej Institucioneve relevante të Republikës së Kosovës.
5. Ngarkohet Ministria e Tregtisë dhe Industrisë për sigurimin e hapësirës dhe mbështetjes teknike për Këshillin me qëllim të ushtrimit të veprimtarisë së tij.
6. Me hyrjen në fuqi të këtij vendimi shfuqizohet vendimi nr. 17/114 i datës 30.01.2013.
7. Vendimi hyn në fuqi ditën e nënshkrimit.
/Indeksonline/