Trajneri i Shqipërisë “godet” rëndë talentin kosovar

Trajneri i Shqipërisë, Christian Panucci, ka qenë direkt dhe ka folur ashpër në lidhje me lojtarët që refuzojnë të luajnë për kombëtaren kuqezi.

Më i zemëruar, trajneri italian duket se ka qenë me Edon Zhegrovën, talentin e Genkut në Belgjikë, i cili zgjodhi Kosovën para Shqipërisë.

“Kam biseduar me lojtarin, e donte Shqipërinë, por më pas prindërit në shumë raste janë shkatërrimi i fëmijëve”, ka thë Panucci në një intervistë pas grumbullimit.

“Zhegrova tha ‘po’ fillimisht dhe më pas tha ‘jo’. Nuk është e drejtë të them emra të tjerë, për statusin e tyre personal, për situatat që i kanë çuar te këto vendime. Kush më thotë ‘jo’, nuk vjen më në kombëtare, uroj të luajnë gjetkë. Edhe grupi aktual më mjafton. Në jetë secili bën ç’të dojë, të shkojë te Brazili apo kudo tjetër, por duhet të kenë b… që të zgjedhin vetë, jo të vendosin babi, mami, xhaxhai e me radhë”, shtoi ai. /IndeksOnline/