Veseli optimist, sot marrim lajmin e madh për vizat (Video)

Kryetari i Kuvendit, Kadri Veseli pas takimit me Përfaqësuesen e lartë të BE-se Federika Mogherinin ka thënë se ka një lajm shumë të mirë për qytetarët e Kosovës.  I pari i Kuvendit është deklaruar optimist për raportin e KE-së për vizat, duke thënë se Komisionieri Avramopoulos do të jap lajmin pozitiv për vizat.

“Sot do të jetë një lajm shumë i mirë për qytetarët. Avrampolus do të jap lajmin pozitiv për vizat në ora 11 e 30, ku rekomandimi do të jëtë pozitiv. Është hap i parë, është historik. Ne ishim bashkarisht me Mogherinin për të treguar përkushtimin tonë për dialog dhe se jemi unik. Presim njohje nga Serbia, jemi në konsultime për paqe”, ka thënë Veseli, transmeton Indeksonline.

Ai ka shtuar se Presidenti Thaçi është duke e vazhduar takimin me homologun e tij nga Serbia, Aleksandër Vuçiq.

I pyetur se pse nuk janë ata në takim, ai ka thënë se respektojnë protokollet shtetërore./Indeksonline/