Vuçiq pas takimit me Irinej: S’jam optimist për kompromisin me Kosovën!

Presidenti i Serbisë, Aleksandër Vuçiq ka thënë se një zgjidhje kompromisi për Kosovën nuk është në horizont dhe se nuk është optimist sa i përket kësaj çështje.

Në pyetjet e gazetarëve  pas një takimi që pati me patriarkun Irinej në Beograd, për atë se cila është zgjidhja përfundimtare e kompromisit për Kosovën për të cilën vazhdimisht po flitet, Vuçiq ka thënë:

“Përfundimisht do të jetë atëherë kur të përfundojë, jo para kësaj. Për këtë do të flas nëse është e mundur të arrihet një zgjidhje e tillë. Tani një zgjidhje të tillë nuk ka. A është në horizont? Mendoj se jo. Nuk jam optimist”, ka thënë Vuçiq.

Ai  ka thënë se ditëve të fundit ka një ndërhyrje të agjenturave të llojllojshme, prandaj Serbi ka ardhur  në një situatë për të mbrojtur veten nga thashethemet.