12:17 / E enjte, 12 Tetor 2017

Totaj takime me fermerë: Rritje deri 30% të subvencioneve

Totaj takime me fermerë: Rritje deri 30% të subvencioneve

Kandidati për kryetar, njëherit kryetari i ardhshëm i Prizrenit, z.Shaqir Totaj, sot, ishte në Korishë, ku realizoi disa vizita nëpër fshat.

Fillimisht, kandidati Totaj, vizitoi fabrikën e këpucëve D&H, tek"Fortesa", ku u njoftua për së afërmi me sfidat që i kanë bizneset. Totaj vizitoi edhe fermerin, z.Avdyl Muçaj, i cili ka në posedim 80 krerë lopë, dhe pemtarin, z.Bujar Ukimeri. Kryetari i ardhshëm, theksoi se në listën e prioriteteve të tij është rritja e subvencionimit të fermerëve, si kusht i rëndësishëm i zhvillimit ekonomik.

Gjatë vizitës në fshat, Totaj, gjithashtu nderoi të rënët për liri, duke vendosur kurora lulesh tek lapidari i dëshmorëve. Ai theksoi se ne kemi detyrim madhor ndaj të rënëve per liri, meqë ata janë frymzim i pashterrshëm për të vazhduar para.

Kryetari i ardhshëm i Prizrenit, z.Shaqir Totaj, gjatë qëndrimit në Korishë, premtoi rregullimin e shtratit të lumit duke u zotuar se ky projekt do të realizohet gjatë qeverisjes së tij katërvjeqare, në krye të Prizrenit.

Kjo vizitë, si edhe takimet e tjera me qytetar, dëshmojnë përkushtimin e kryetarit Totaj, se do të jetë afër qytetarëve, për t'i ndëgjuar hallet e tyre dhe për t'a realizuar programin qeverisës, të Forcës së Ndryshimit për Prizrenin.

Lexo të tjera