Zjarr në një fabrikë në Prizren, ka persona të lënduar

Dy persona kanë pësuar lëndime trupore në zjarrin që ka përfshirë një fabrikë në Prizren.
Ngjarja ka ndodhur të premten rreth orës 13:00 në rrugën “Ukë Bytyqi”, ndërsa rrethanat e zjarrit nuk dihen.

Në raportin Policorë të Kosovës thuhet se personat kanë kërkuar tretman mjekësor.

“Në rrethana të panjohura nga zjarri është përfshirë një fabrikë, pronë e viktimës mashkull. Njësit përkatëse dhe zjarrfikësit kanë dal në vendin e ngjarjes dhe përveç dëmeve materiale, lëndime trupore kanë pësuar dy viktima meshkuj, të cilët kanë pranuar trajtim mjekësor”, thuhet në raport.

Ndërkaq, rasti është duke u hetuar nga njësitet policore.