18:32 / E Enjte, 26 Maj 2022 / MSH

Doktoresha kosovare prezanton në Britani të Madhe rezultatet e trajtimit të gjëndrës tiroide

Doktoresha nga Kosova, Venera Berisha-Muharremi ka marrë pjesë në javën botërore të vetëdijësimit mbi tiroidën.

Ky organizim, i cili është mbajtur në Edinburgh të Britanisë së Madhe, ka gjetur doktoreshën Berisha-Muharremi si ligjeruese.

Ajo prezantoi përpara të pranishmëve metodën e trajtimit me laser të tiroidës.

May be an image of text that says 'Venera Berisha-Muharremi Professor of Internal Medicine University of Prishtina, Faculty Of Medicine Wednesday 25 Friday 27 May Surgeons Quarter, Edinburgh BMLA 2022 Annual Conference & Educational Courses Surgeons Quarter, Royal College of Surgeons, Edinburgh Wednesday 25 to Friday 27 May 2022 British Medical Laser Association *'

“Për një profesionist që trajton tiroidën, kënaqësi e jashtëzakonshme me shënu javën botërore të vetëdijësimit për tiroidën në këtë mënyrë!

Sot pata nderin të jem e ftuar dhe të prezantoj para auditoriumit të ekspertëve botërorë të trajtimeve mjekësore me laser, në Konferencën e Shoqatës Britanike të Laserit Mjekësorë, në Edinburgh, Britani të Madhe.

Prezantova rezultatet e para shkencore të suksesit të trajtimit inovativ të gjëndrës tiroide me laser, duke përfaqësuar Kosovën dhe Poliklinikën Endomedica, si të vetmin vend në regjionin e Ballkanit për trajtimin inovativ të gjëndrës tiroide me laser!

Krenare të jem tash e tutje anëtare e Shoqatës Britanike të Laserit Mjekësorë dhe që sot prezantova në Edinburgh, qytetin e katërt në listën e qyteteve më të bukura në Botë, e me aq shumë histori për të tregu!” shkroi ajo në Facebook.

Doktoresha mori edhe një certifikatë e cila vërteton që është anëtare e Asociacionit Britanez të Laserit Mjekësor.

May be an image of text that says 'Medical Laser Bissh 20 22 Aastr MEMBER British Medical Laser Association Certificate of Membership This is to certify that Prof. Dr. Venera Berisha-Muharremi is a Full Member of the British Medical Laser Association'