Hetimet për atentatin në Rinas, autorët vepruan me më shumë se një automjet

A2CNN-i mëson se policia e Tiranës po verifikon disa automjete që kanë qenë te rrethi i Rinasit, te parkingu i aeroportit, te perimetri i vendngjarjes dhe në rrugët shumë pranë aeroportit.

Hetuesit kanë dyshime të forta se grupi kriminal ka qenë i mirorganizuar me më shumë se dy automjete, ku secili ka pasur rolin e tij.

Përveç ekzekutorëve në mjetin “Toyota” që kanë pasur rolin e qitësve, të tjerët kanë pasur rolin e vëzhguesve, informatorëve, koordinimit të atentatit dhe lëvizjeve dhe ndjekjes të lëvizjeve të makinës së Gilmando Danit.

Po këqyren një numër i madh kamerash sigurie dhe cdo automjet që duket i dyshimtë sipas hetuesve./Indeksonline/