Interi ia hap derën Manchesterit, pranon t’ia shesë Martinezin

Drejtori i Përgjithshëm i Interit, Giuseppe Marotta ka lënë derën e hapur për Manchester United për të nënshkruar Lautaro Martinez në janar.

United është në një betejë me rivalët e Manchester City , Barcelona dhe Real Madrid për të tërhequr sulmuesin Martinez në Old Trafford, shkruan Indeksonline.

22-vjeçari argjentinas ka shënuar tetë gola në 15 paraqitje pasi ai ka krijuar një partneritet të frikshëm me Romelu Lukaku në San Siro.

Sipas “Calciomercato”, Martinez ka një klauzolë lirimi prej 111 milionë euro (rreth 95 milionë), edhe pse kjo vlenë vetëm për United dhe klubet jashtë Italisë korrikun e ardhshëm.

Prandaj, cilido prej blerësve kryesorë do të duhet të paguajë një premi në janar, me gjasë prej rreth 100 milionë.

Dhe Marotta ka pranuar se ai nuk do ta ndalonte largimin e Martinez, nëse do të dëshironte, kur afati i transferimit të rihapet muajin tjetër.

“Nëse Lautaro dëshiron të largohet, ne do ta vlerësojmë situatën,” tha Marotta për “Sport Mediaset”.

“Ne jemi Inter dhe nuk kemi pse t’i shesim askujt. Ne duam të rritemi me lojtarë të rinj të rëndësishëm si Lautaro dhe Romelu Lukaku.

“Nëse Lautaro dëshiron të vazhdojë me ne, ne do të jemi të lumtur. Ai është me ne tani.”

Martinez u transferua në Inter nga Racing Club në verën e vitit 2018 për 22.7 milionë euro dhe u bë një hero pothuajse i menjëhershëm kur shënoi kundër rivalit AC Milan sezonin e kaluar. /IndeksOnline/