20:40 / E Diele, 13 Janar 2019

Kështu përgjigjet Rakiq kur pyetet nëse ka miq shqiptar

Bashkëpunimi midis serbëve dhe shqiptarëve nuk ka ekzistuar kurrë në kuptimin e vërtetë të fjalës, tha sot në Mitrovicën e Veriut, kreu i Listës Serbe Goran Rakiq.

I pyetur nëse ai ka ndonjë mi k shqiptar, ai tha jo, përderisa shtoi se ka të njohur.

“Asnjë mik, por të njohur po”, ka thënë ai.

Ndërsa, duke folur për marrëdhëniet mes shqiptarëve dhe serbëve, sipas Rakiq bashkëpunimi me njëri-tjetrin mund të ndodh vetëm nëse injorohen politikat dhe tensionet politike që ekzistojnë tani.

“Politikanët nga Prishtina kanë masë të dyfishtë. Kemi një polic të mirë dhe të keq, ai që dëshiron të paraqitet si mik i serbëve dhe ai që akuzon serbët për çdo gjë, në mënyrë që ky bashkëpunim të mos ekzistojë dhe të mos ekzistonte kurrë në kuptimin e vërtetë të fjalës”, tha Rakiq, duke iu përgjigjur pyetjes së gazetarëve se si serbët dhe shqiptarët bashkëpunojnë me njëri-tjetrin, nëse i injorojnë politikat./Indeksonline/