Kuvendi me Komision hetimor për menaxhimin e COVID-it-19 nga ish-Qeveria e Kurtit

Deputetët e Kuvendit të Kosovës do të mblidhen sot në një seancë plenare, ku në rend dite do të jenë tri pika kryesore.

Thirrja e seancës është bërë para formimit të re të Qeverisë së Hoti dhe do të diskutojë propozimin për formimin e Komisionit hetimor parlamentar në lidhje me menaxhimin e pandemisë së virusit COVID-19 nga ish-Qeveria Kurti.

Po ashtu, do të shqyrtohet edhe kërkesa e Fondit të Kursimeve Pensionale të Kosovës për miratimin e taksave vjetore për vitin 2020 dhe propozimi i grupeve parlamentare për zëvendësimin e deputetëve në komisionet parlamentare.

Partia Demokratike e Kosovës ka akuzuar tashti ish-ministrin e Shëndetësisë, për keqpërdorim të parasë publike në kohë të pandemisë, duke i bërë thirrje prokurorisë që t’i hetojë tenderët e dhënë nga MSH-ja.

Sidoqoftë, edhe Ministria e Shëndetësisë ka kërkuar nga organet kompetente që të hetojnë tenderët për procedurat e negociuara gjatë kohës së pandemisë.

Ky institucion i udhëhequr nga Arben Vitia, të njëjtën kërkesë e bëri dy herë nga Policia e Kosovës dhe nga Autoriteti i Konkurrencës.