Pas Xhakës e Shaqirit, shqiponja e Thaçit tërbon serbët (Foto)
Përpos futbollistëve, Granit Xhaka dhe Xherdan Shaqirit, serbët i ka tronditur edhe i biri i presidentit Hashim Thaçi, Endriti.
Ai dje postoi një fotografi në Instagram me të atin, ku shfaqen duke e bërë shqiponjën me duar, shkruan Indeksonline.
Ky veprim nuk u ka pëlqyer serbëve të cilët sot i kanë kushtuar një artikull dyshes Thaçi.
Kurir.rs shkruan se si Endriti e ka postuar një fotografi në Instagram, ku shihet së bashku me babanë e tij duke e bërë shqiponjën me duart e tyre.
“PROVOKIMET NUK KANË TË NDALUR! SHAQIRIT DHE XHAKËS IU BASHKANGJIT EDHE THAÇI: Djali i Hashimit e ka postuar fotografinë me babanë që do ta tërbojë popullin serb!” është titulli i kësaj gazete serbe.
Në tekst, e përditshmja serbe ka shkruar se gjatë ndeshjes futbollistike në mes të Zvicrës dhe Serbisë, Thaçi i ka mbrojtur dy futbollistët shqiptarë që kanë festuar me shqiponjë. /Indeksonline/