Zviceranët ndjehen të sigurt dhe optimistë

Në vitin 2018 zviceranët në përgjithësi janë ndjerë shumë të sigurt, optimistë për të ardhmen e Zvicrës, dhe kanë treguar më pak pesimizëm për politikën ndërkombëtare, krahasuar me të kaluarën.

Këto janë të gjeturat e studimit për siguri në vitin 2018, të kryer nga akademia ushtarake dhe Qendra për Studime të Sigurisë në Zurich, përcjell KosovaPress.

Që nga viti 199 anketimi vjetor ka analizuar trendët në opinionin publik për siguri, politika të jashtme dhe të mbrojtjes.

Raporti i këtij viti ka pasur theks të veçantë për luftën kundër terrorizmit.

95 për qind e zviceranëve ndjehen shumë të sigurt, dhe frika nga krimi është shumë e vogël. Rreth 85 për qind e tyre kanë thënë se ndjehen optimistë për të ardhmen e Zvicrës, krahasuar me 80 për qind vitin e kaluar.

Për 64 për qind të zviceranëve më e rëndësishme është mbrojtja kundër terrorizmit, se liria personale.

Besimi në institucionet e Zvicrës dhe në autoritete në përgjithësi është i lartë.