Kanye West heq dorë nga gara për president të Amerikës

Kanye Westi thuhet se ka braktisur garën presidenciale të vitit 2020 në më pak se dy javë pasi njoftoi ofertën e tij për Shtëpinë e Bardhë.

Të martën (14 korrik), Steve Krameri, një anëtar i ekipit të fushatës së Westit, i tha Intelligencer se pasi grumbulloi një ekip  me 180 persona në Florida , reperi vendosi të mos garonte në zgjedhje, transmeton Indeksonline.

“Ai ka hequr dorë”, tha Kramer, duke i thënë publikimit se ai ishte në proces t’i “anulojë të gjitha gjërat tona”.

Ai më vonë shtoi: “Nuk kam asgjë të mirë apo të keqe për të thënë në lidhje me Kanyen … çdo person që kandidon për president për herë të parë kalon nëpër këto”.

Sipas raportit, Westi kishte provuar të merrte emrin e tij në votim si një kandidat i palëve të treta, por duhej të mblidhte 132.781 nënshkrime deri të mërkurën (15 korrik) për të pasur të drejtën për të kandiduar në Florida.

Krameri më vonë i tha Intelligencer-it se stafit iu tha se përpjekja për të marrë në fletëvotim kishte mbaruar në të njëjtën ditë kur Westi ndau një fotografi ku shihen që po regjistrohej për të votuar në Wyoming.

Raportet vijnë vetëm disa ditë pasi një sondazh presidencial në SHBA sugjeroi që reperi do të fitonte më pak se dy për qind të votave nëse ai do të garonte kundër presidentit Donald Trump dhe kandidatit demokrat Joe Biden.

Westi njoftoi kandidaturën e tij më 4 korrik, duke bërë thirrje në Twitter: “Tani duhet të realizojmë premtimin e Amerikës duke i besuar Zotit, duke unifikuar vizionin tonë dhe duke ndërtuar të ardhmen tonë. Unë po kandidoj për president të Shteteve të Bashkuara”./Indeksonline/