Ky shtet vendos të lejohen marrëdhëniet seksuale me personat që nuk banojnë në një shtëpi

Qeveria e Britanisë së Madhe vendosi dje se, nëse plani i daljes nga izolimi i koronavirusit nuk ka të papritura, nga muaji maj do të lejohen përsëri marrëdhëniet seksuale midis njerëzve të cilët nuk banojnë si çift në një shtëpi.

Mediat britanike ankoheshin se njerëzit “janë lënë të vuajnë për seksin” pasi regullat e pandemisë ndalojnë përzierjet e njerëzve nga shtëpi të ndryshme, përveç disa rasteve të veçanta.

Por kjo mund të ndryshojë prej 17 majit, teksa ministrat po shikojnë mundësitë e zbutjes së rregullave të kontakteve sociale.

Sipas planit të Qeverisë britanike, njerëzit nuk do të lejohen vetëm në grupe prej gjashtë vetash në ambiente të jashtme, por prej majit deri në 30 veta.

Por në plan pranohet se “hapat e zbutjes së masave mund të avancohen më tej ose të sprapësohen, në varësi të situatës”.

“Në hapin 3, Qeveria do të zbusë kufizimet e kontakteve sociale, duke lejuar publikun që të marrë vetë vendimet e informuara  personale. Njerëzit duhet të llogarisin vetë rrezikun, duke marrë në konsideratë nëse ata me të cilët takohen janë të vaksinuar apo jo”.

Më tej shtohet: “Qeveria do të vazhdojë të vlerësojë situatën e efikasitetit të vaksinave, duke përfshirë dhe atë të transmetimit i virusit. Me hapin 3 Qeveria do të përditësojë informacionin këshillues për distancimin social midis miqve e familjarëve, si për shembull për përqafimet”.

Mediat vendëse thonë se me lehtësimet e 17 majit do të lejohet udhëtimi në të gjithë Britaninë, deri në 30 njerëz do të lejohen të marrin pjesë në martesa, funerale e pritje të tjera dhe nëse gjithçka shkon mirë, kufizimet do të hiqen tërësisht, më 21 qershor.