Ministrit të Arsimit të Serbisë i refuzohet leja për hyrje në Kosovë

Ministrit të Arsimit të Serbisë, Mladen Sharçeviq, i është ndaluar hyrja në Kosovë.

Sipas mediave serbe, ai po planifikonte të ishte i pranishëm në nisjen e vitit akademik të Universitetit serb të Prishtinës me seli në Mitrovicë, por iu refuzua hyrja.

“Nuk është hera e parë që nuk me lejojnë të hyj ne Kosovë”, ka thënë Sharqeviq për portalin “Novosti”.

Ai tha se nuk e ka të qartë pse i është refuzuar leja.

“Autoriteteve në Prishtinë, vërehet se nuk po u pëlqen që në territorin e Kosovës po mbajmë mësim në gjuhën serbe”, ka shtuar ministri i Qeverisë së Serbisë.