Vetura zyrtare si “n’bahçe t’babës”, bllokon komunikacionin në këtë rrugë të Prishtinës!

Një veturë zyrtare në orët e mbrëmjes ka bllokuar komunikacionin në Prishtinë, më konkretisht në rrugën “Rexhep Luci”.

E njëjta ua ka pamundësuar edhe punonjësve të kompanisë “Pastrimi”, të kryejnë detyren siç duhet.

Vetura në fjalë përveç që ka krijuar bllokadë në korsi, ka bllokuar edhe makinat e parkuara në këtë rrugë e cila njëherit është tejet e frekuentuar.

Kjo nuk është hera e parë që veturat zyrtare parkohen vend e pa vend. Megjithë ankesat e shumta lidhur me këtë rast, askush nuk ka reaguar deri më tani./IndeksOnline/