Ylli spanjoll drejt largimit në janar, s’po bëhet fare rehat
Ander Herrera u bashkua me PSG-në në merkaton e verës, teksa mbylli aventurën e tij 5-vjeçare me Manchester United.
Megjithatë hapësirat për futbollistin te klubi francez kanë qenë shumë të pakta dhe mesfushori ka filluar të mendojë largimin.
30-vjeçari ka luajtur vetëm 440 minuta për PSG-në, dhe tashmë po kërkon një ekip ku mund të gjejë më shumë minuta.
Një nga klubet e interesuara për lojtarin është Atletik Bilbao, të cilët e pëlqejnë shumë atë.
Për Herrerën do të ishte një rikthim te Bilbao, pasi ka luajtur më parë nga viti 2011 deri në vitin 2014.