Apeli arrin marrëveshje me këtë Agjenci Shtetërore, ja kur bëhet bartja e këtyre lëndëve!

Gjykata e Apelit në Kosovë ka arritur marrëveshje me Agjencinë Shtetërorore të Arkivave, për dorëzimin e lëndëve të ish Gjykatës së Qarkut në Prishtinë, pra për periudhën 1971-1999.

Sipas njoftimit, bëhet e ditur se mijëra lëndë, të cilat teknikisht u gjenden në objektin e Gjykatës së Apelit, pas riorganizimit të sistemit gjyqësor në 2013, po përgatiten në mënyrë vullnetare nga stafi i kësaj gjykate, shkruan Indeksonline.

Po ashtu në këtë njoftim të Apelit theksohet se dosjet të cilat duhet të bëhen gati sipas kritereve të Agjencisë, pritet të bartën gjatë javës së ardhshme.

(Në foto : Hakif Sfishta- referent, Enver Beqiri – Zyrtar për Statistika, Shpëtim Rexhepi – arkivist dhe Zyla Neziri – sekretare juridike.)

/Indeksonline/