Liverpooli po planifikon një “sulm” për sulmuesin e Arsenalit, pa asnjë cent

Liverpooli po planifikon një përpjekje për të nënshkruar me talentin e Arsenalit, Folarin Balogun.

Sulmuesi 19-vjeçar do të mbetet pa kontratë gjatë verës dhe nuk ka ndonjë gjasë që ai ta vazhdojë atë.

Balogun ka refuzuar ofertat e mëparshme nga Arsenali për shkak të shqetësimeve për mungesën e mundësive të ekipit të parë dhe dukej sikur ai mund të largohej në verë.

Arsenali refuzoi një ofertë nga Sheffield Unitedi pasi kërkoi një çmim më të lartë, por tani mund ta humbin atë për asgjë.

Sipas The Athletic-ut , Liverpooli është një nga disa klube që monitorojnë situatën e Balogun me qëllim që ta nënshkruajnë atë në fund të sezonit. /IndeksOnline/