Arrestohen dy kosovarë nga Policia e Serbisë
Policia serbe ka arrestuar dy persona në fshatin Llaush të Podujevës, saktësisht në brezin kufitar Kosovë-Serbi.
Arrestimin e tyre e ka konfirmuar për Indeksonline, zëdhënësi i Policisë së Kosovës, Baki Kelani i cili ka bërë të ditur se arrestimi ka ndodhur dje gjatë pasdites saktësisht në ora 18:45, në brezin kufitar në mes të Kosovës dhe Serbisë.
“Informacioni i pranuar nga Policia e Kosovës ka të bëjë fillimisht me arrestimin e një personi, e më pastaj edhe arrestimin e personit të dytë (m/sh/k) nga autoritet policore serbe. Sipas informacioneve të deritanishme personave të arrestuar iu janë konfiskuar edhe mjetet/traktorët e tyre”, ka thënë Kelani.
Gjithashtu sipas tij Policia e Kosovës është duke e trajtuar këtë informacion/rast përmes kanaleve zyrtare./Indeksonline/