Florin Krasniqi i bashkohet kësaj partie

Ish-deputeti i Lëvizjes “Vetëvendosje”, Florin Krasniqi do të jetë pjesë e Partisë Social Demokrate/

Krasniqi i cili më parë ka qenë pjesë e Vetëvendosjes, kishte vendosur që ta braktis këtë subjekt politik për shkak të obligimeve që Krasniqi kishte në jetën e tij biznesore.

Kujtojmë se derisa Lëvizja Vetëvendosje po kalonte një krizë brenda subjektit, ishte Ish- sekretari i përgjithshëm i VV-së, Dardan Molliqaj, i cili kishte zhvilluar një takim me ish- deputetin Florin Krasniqi, milioneri i cili jeton dhe vepron në Amerikë.

12 deputetët e larguar nga Lëvizja Vetëvendosje që tash e disa muaj kanë funksionuar si Grup i Deputetëve të Pavarur (GDP), gjatë ditës së djeshme kanë publikuar një logo e cila po del të mos jetë logoja përfundimtare e PSD-së.

Ndërsa sot, në Ditën e Evropës, këta deputetë pritet që të mbajnë Konventën e Partisë Socialdemokrate (PSD).

Kjo konventë do t’i jap formë më të qartë organizimit të partisë, pasi aty do të zgjidhet struktura, dhe kryetari i saj.

Sipas një ftese dërguar mediave, konventa do të fillojë në orën 17:00. /blic/