Zemaj arsyeton largimin e LDK-së nga Kuvendi (Foto)
Kuvendi i Kosovës ka vazhduar sot punimet e seancës plenare të lënë në gjysmë nga dje. Por, me pikat e rendit të ditës për sot nuk janë pajtuar disa deputetë të Kuvendit.
Armend Zemaj nga LDK-ja i cili me bashkëpartiakët e tij kanë bojkotuar seancën e Kuvendit, në një postim në Facebook ka shkruar se sot u dëshmua që qeveria e pakicës e ka bërë Kuvendin jofunksional.
Sipas tij, qeveria e ka humbur legjitimitetin e të ashtuquajturës mazhorancë, transmeton Indeksonline.
Më poshtë postimi i plotë i Zemajt:
Kryesuesi i seances në mënyrë arbitrare filloi seancën pa miratimin e rendit të ditës. Këta mashtrojnë me prezencën në sallë, ofendojnë opozitën dhe tentojnë të shantazhojnë me logjikën e përfitimit personal.
Kjo qeveri e pakicës edhe sot u dëshmua se e ka bërë Kuvendin jo funksional duke e humbë edhe legjitimitetin e të ashtuquajturës mazhorancë.
Qëndrimi jonë është konform përgjegjësive tona institucionale. Nuk do të lejojmë që kjo qeveri e degradimit të vazhdojë me këtë avaz të njëjtë dhe vendin ta kthejë mbrapa aty ku dëshirojnë zaptuesit e institucioneve demokratike të Republikës së Kosovës.
P.S
Kjo është shumica aktuale e kësaj Qeverie. /Indeksonline/