Raiola pengon transferimin e De Ligt te Barcelona
Agjenti i mbrojtësit holandez ka kërkesa të mëdha.
E përditshmja katalanase El Mundo Dportivo ka zbuluar arsyen pse po vështirësohet arritja e marrëveshjes me Ajaxin për mbrojtësin e talentuar Matthijs De Ligt.
Sipas kësaj gazete, Mino Raiola është pengesa kryesore për të arritur te De Ligt. Menaxheri i njohur italian mësohet se ka vënë si kusht paraprak komisionin 10 milionë euro për të lejuar kalimin e talentit holandez te Blaugranat.
Drejtuesit e Barcelonës e konsiderojnë paradoks një kërkesë të tillë dhe jashtë logjikës.
Matthijs De Ligt, 19 vjeçar prej kohësh është shndërruar objektiv i kampionëve në fuqi të Spanjës.
Ai vlerësohet rreth 70 milionë euro, ndërsa kontrata me Ajaxin i përfundon më 30 qershor të vitit 2021.