​20 të vdekur në një klub nate në Afrikën Jugore

Të paktën 20 të rinj janë gjetur të vdekur në një klub nate në qytetin e Londra Lindore të Afrikës së Jugut.

Mediat lokale thonë se trupat ishin shtrirë brenda tavernës Enyobeni sikur të ishin shembur, por nuk kishte lëndime të dukshme në viktima.

Ekzaminimet pas vdekjes do të kryhen në mortore. Kryeministri i provincës së Kepit Lindor, ku ndodhi tragjedia e së dielës, tha se ekspertët e policisë ishin rrugës.

Oscar Mabuyane nuk dha arsyet e mundshme për vdekjet, por dënoi “konsumimin e pakufizuar të pijeve alkoolike”.

“Nuk mund të tregtosh kështu në mes të shoqërisë dhe të mendosh se të rinjtë nuk do të eksperimentojnë”, shtoi ai.

Policia u tha gazetarëve se shumica e atyre që u gjetën të vdekur ishin të moshës midis 18 dhe 20-vjeç.

Një zyrtar provincial i sigurisë tha se një rrëmujë ishte përjashtuar si shkak i vdekjes pasi nuk kishte “plagë të dukshme”.

“Forenzika do të merr mostra dhe do të testojë për të parë nëse ka pasur ndonjë helmim,” tha Unathi Binqose, raporton BBC.