​Agresioni rus në Ukrainë, 198 ukrainas u vranë, përfshirë edhe tre fëmijë

Ministri ukrainas i shëndetësisë tha se 198 persona janë vrarë dhe më shumë se 1,000 janë plagosur në ofensivën ruse.

Viktor Lyashko tha se mes të vrarëve kishte edhe tre fëmijë. Deklarata e tij ishte e paqartë nëse viktimat përfshinin ushtarakë dhe civilë. Ai tha se 1,115 persona të tjerë, përfshirë 33 fëmijë, u plagosën gjatë pushtimit rus.

Zëdhënësi i Ministrisë ruse të Mbrojtjes, gjeneralmajor Igor Konashenkov pohoi të shtunën se që nga fillimi i sulmit të Moskës, ushtria e saj kishte goditur 821 objekte ushtarake ukrainase, 87 tanke dhe objektiva të tjerë.