Baraclough: Kemi një plan se si ta ndalim Kosovën
Trajneri i Kombëtares së Irlandës së Veriut e ka vlerësuar shumë lartë Kombëtaren e Kosovës në prag të ballafaqimit të së enjtes në “Fadil Vokrri” në kuadër të Ligës së Kombeve.
Ai tha se lojtarë si Zhegrova, Rashica dhe Muriqi janë shumë të rrezikshëm, por se kanë hartuar një plan për t’i ndalur ata.
“Me të vërtetë jam i impresionuar me ekipin e Kosovës. Edhe për kundër faktit se Kosova ka angazhuar trajner të ri, Alain Giressesn por i cili megjithatë ka pasur disa kohë për të punuar me ekipin. Lojtarët e Kosovës luajnë të gjithë në nivele të larta dhe madje në top divizione të futbollit. Është një ekip i cili ka një formacion të formuar, formacion bazë stabil. Ne do të mundohemi t’ua mohojmë atyre pasimet, t’ua mohojmë atyre shanset. Kosova ka lojtarë shumë të mirë si Zhegrova, Rashica, Muriqi të cilët luajnë në ekipe të mëdha dhe nesër pra do të mundohemi t’ua mohojmë shanset ekipit të Kosovës”, tha Baraclouh.
Ai më pas foli edhe për luftën që po bëhet brenda këtij grupi ku theksoi se nga ajo që ka parë deri më tani, nuk ka skuadër favorite.
“Kushdo mund të përfundojë i pari në grup, kjo është e vërteta. Në këtë grup me të vërtetë të gjitha ekipet kanë potencial, çoftë Greqia, çoftë Kosova, çoftë madhe edhe Qipro e cila për ne ishte një arrë e fortë për t’u thyer. Me të vërtetë mund të them që i kam shikuar të gjitha ndeshjet e grupit, edhe ndeshjes ndërmjet Kosovës dhe Greqisë dhe me të vërtetë këtu nuk dihet se kush është favorit për ta zënë vendin e parë”, theksoi ai.
Kurse qendërmbrojtësi i Irlandës së Veriut tha se mezi po e pret ndeshjen dhe është shumë i emocionuar para fillkimit të saj.
“Ne me të vërtetë e kemi studiuar kundërshtarin dhe e presim me padurim ndeshjen e nesërme. Kemi një plan të lojës dhe me tër vërtetë të gjithë jemi të emocionuar, jemi të ngazëllyer për të filluar lojë”, tha Ballard.
Kosovaë-IIrlandë e Veriut është ndeshja e tretë në Grupin 2 të Ligës C dhe zhvillohet nesër me fillim nga ora 20:45.
