Danimarka rihap ambasadën në Ukrainë
Danimarka është bërë vendi i parë nordik që rihap ambasadën e saj në Kiev, më shumë se dy muaj pasi Moska nis agresionin ushtarak ndaj Ukrainës.
Ministri i Jashtëm, Jeppe Kofod vizitoi sot kryeqytetin ukrainas dhe ngriti flamurin danez në ndërtesën e ambasadës.
“Sapo ngrita flamurin në ambasadën daneze në Kiev. Hap i rëndësishëm që sot rihapim ambasadën pas sulmit të Rusisë. Prekës të takosh punonjësit lokalë dhe danezët që kanë kaluar këtu në kryeqytet për dy muajt e fundit”, shkroi ai në Twitter.
Ndryshe, ambasada do të vazhdojë punën me një numër të reduktuar punonjësish dhe gradualisht do të rikthehet në staf të plotë.
Har lige hejst flaget ved den danske ambassade i Kyiv. Vigtigt skridt at vi i dag genåbner ambassaden efter Ruslands angreb. Rørende at møde både lokalt ansatte og danskere, der har stået igennem her i hovedstaden de seneste to måneder. #dkpol pic.twitter.com/nfL04zloHR
— Jeppe Kofod (@JeppeKofod) May 2, 2022
