Dështon transferimi i Sanchos te gjiganti italian
Sipas raportimeve në Itali, Juventusi nuk është i bindur nga ideja e nënshkrimit të Jadon Sanchos nga Manchester Unitedi dhe i ka pezulluar bisedimet.
Sipas raportimeve në Itali, Juventusi nuk është i bindur nga ideja e nënshkrimit të Jadon Sanchos nga Manchester Unitedi dhe i ka pezulluar bisedimet.
Lojtari ka qenë në radarin e tyre për disa javë, që kur përvoja e tij e huazimit te Chelsea u ndërpre, me “bluetë” që paguan një tarifë për të shmangur blerjen e tij të drejtpërdrejtë.
Kontrata e tij me Manchester Unitedin skadon vetëm në fund të këtij sezoni, duke i detyruar ata të ulin ndjeshëm çmimin e kërkuar në rreth 15 milionë euro plus bonuse për të arritur në 17 milionë euro.
Një marrëveshje dukej e afërt, por tani ‘Tuttomercatoweb”, pretendon këtë mbrëmje se Juventusi e ka ndaluar finalizimin e transferimit.
Raportohet se ata nuk janë të sigurt nëse Sancho është profili i duhur për rolin e mesfushorit, veçanërisht pasi ata shpenzuan 32 milionë euro për të blerë Francisco Conceicao nga FC Porto.
Ndërkohë, Sancho është lënë jashtë skuadrës së Manchester Unitedit për turneun e tyre parasezonal, duke konfirmuar se 25-vjeçari nuk është pjesë e planeve të tij.
