FMN: Ekonomia e Ukrainës do të tkurret me 10% për shkak të pushtimit rus
Ekonomia e Ukrainës do të tkurret me 10 për qind këtë vit si rezultat i pushtimit nga Rusia, por perspektiva mund të përkeqësohet ndjeshëm nëse lufta, tha Fondi Monetar Ndërkombëtar (FMN) në një raport të publikuar sot.
Raporti, i përgatitur përpara miratimit të FMN-së prej 1.4 miliardë dollarësh në financim emergjent për Ukrainën, paralajmëron se prodhimi ekonomik i vendit mund të tkurret me 25% në 35%, bazuar në të dhënat e Bruto Prodhimit Vendor nga Iraku, Libani dhe vendet e tjera në luftë.
Ivanna Vladkova Hollar, shefe e misionit të FMN-së për Ukrainën, tha se autoritetet ukrainase po bënin “një përpjekje të jashtëzakonshme” për të mbajtur ekonominë dhe sistemin financiar të vendit në funksion përballë luftës.
Gjithashtu të hënën, Banka Botërore njoftoi se do të ndajë pothuajse 200 milionë dollarë fonde shtesë për të rritur shërbimet sociale për njerëzit e cenueshëm në Ukrainë – përveç 723 milionë dollarëve të miratuar javën e kaluar.
Ajo vjen si pjesë e një pakete mbështetëse prej 3 miliardë dollarësh që Banka Botërore njoftoi më parë se po përgatitej për Ukrainën gjatë muajve të ardhshëm.
