​Mos prisni të vdisni urie për të ngrënë!

Uria është treguesi më i besueshëm se metabolizmi juaj po funksionon, por megjithëse është i natyrshëm, nuk duhet të jetë shenja e vetme që është koha për një vakt.

Nëse hani vetëm kur ndjeni uri dhe një rënie energjie, dhe trupi juaj ju “lutet” ta ushqeni, atëherë mund të ndjeni pasojat për shëndetin tuaj, shkruan Bright Side.

Njerëzit të cilët anashkalojnë vaktet dhe hanë në mënyrë të parregullt shpesh hanë më shumë për të kompensuar gjithçka që anashkaluan. Trupi juaj ka nevojë për ushqim çdo tre deri në katër orë në mënyrë që metabolizmi juaj të mos ngadalësohet dhe që të mos ndjeni rënie të energjisë, letargji dhe dëshirë për ushqim jo të shëndetshëm.

Sa më gjatë që privoni trupin tuaj nga ushqimi, aq më shumë bie niveli i sheqerit në gjak, andaj trupi juaj do të dëshirojë ushqim të pasur me sheqer.

Njerëzit mendojnë se humbin peshë nëse rrinë të uritur, por nëse plani i tyre i dietës konsiston në uri, ata shpejt do të heqin dorë nga ajo.

Për më tepër, nëse vdisni nga uria, trupi juaj fillon të kursejë energji, grumbullon yndyra dhe konsumon më pak kalori. Ai është i bindur se kështu e kursen veten, kështu që përpiqet të lërë sa më shumë energji për më vonë.

“Kur jeni të uritur, nuk jeni vetja” – nuk është vetëm motoja e çokollatës, por një fakt. Kur jeni të uritur, ka më shumë të ngjarë të shikoni për gjënë e parë që ju vjen në dorë, si një çokollatë. Një dietë e tillë nuk jep rezultatet e një jetese të shëndetshme.

Dy hormone rregullojnë urinë, grelina, e cila stimulon oreksin dhe leptina, e cila e shtyp atë. Kur nuk hani për një kohë të gjatë, nivelet e grelinës rriten. Dhe nëse keni ngrënë, leptina i thotë trupit tuaj se jeni të ngopur. Barometri i urisë nuk është gjithmonë më i saktë, kështu që njerëzit që shpesh ‘vdesin’ nga uria nuk ndihen më të uritur.

Nëse hani një vakt në ditë, pas një kohe trupi juaj do të mësohet, por kjo nuk do të thotë që një vakt në ditë është një mënyrë e mirë për të ngrënë.

Disa nga simptomat që shoqërojnë urinë janë pamundësia e përqendrimit, siklet në stomak, dobësi, marramendje, të përziera, nervozizëm, dhimbje koke, lëvizje të zorrëve dhe probleme me gjumin.

Shkencëtarët pohojnë se ekzistojnë tre lloje të urisë – fizike, psikologjike dhe oportuniste. Fizikja është dëshira për të ngrënë, ndërsa psikologjike aktivizohet nga emocionet dhe në të vërtetë është dëshira për diçka tjetër përveç ushqimit. Uria oportuniste është kur shihni ushqim dhe dëshironi ta hani edhe pse nuk jeni i uritur.