Nikoqirët e FIBA EuroBasket 2022 ia dorëzojnë detyrat Qipros, Finlandës, Polonisë e Letonisë
Nikoqirët e FIBA EuroBasket 2022 ua kaluan pishtarin organizatorëve të edicionit 2025 të garës, i cili do të mbahet në Qipro, Finlandë, Poloni dhe Letoni, në një ceremoni zyrtare dorëzimi.
Ceremonia simbolike u zhvillua sot gjatë pjesës së parë të ndeshjes për vendin e tretë midis Gjermanisë dhe Polonisë, me nikoqirët e 2022 që ua kaluan detyrat pasardhësve të tyre.
Polonia u konfirmua si mikpritësi i katërt i edicionit të 42-të të FIBA EuroBasket nga Bordi i FIBA Europe të shtunën, ndërsa tre organizatorët e tjerë u miratuan nga Bordi më herët.
Në ceremoninë e dorëzimit morën pjesë edhe presidenti i FIBA Europe Turgay Demirel dhe drejtori ekzekutiv i FIBA-s Europe Kamil Novak.
Edicioni i 42-të i FIBA EuroBasket do të jetë i katërti që do të zbatojë formatin multi-hosting që kur u prezantua në 2015.
Faza në grupe do të luhet në Qipro, Finlandë, Poloni dhe Letoni, ndërsa FIBA EuroBasket 2025 do të mbyllet me fazën finale në kryeqytetin e Letonisë, Riga.
