Nuk ka ndëshkim për Gattuson, në stol ndaj Juventusit
Trajneri i Milanit ishte përjashtuar në sfidën e fundit në Serie A.
Milani ka fituar në mënyrë dramatike ndaj Udineses me rezultat 1:0 pas një goli të Alessandro Romagnolit në minutën e 97-të.
Fillimisht ky gol ishte anuluar nga gjyqtari anësor për pozitë jashtë loje dhe kjo ka bërë që trajneri Gennaro Gattuso të vraponte drejt tij për të protestuar, transmeton IndeksOnline.
Kjo i ka kushtuar atij me përjashtim nga ndeshja. Më pas me vendim të VAR goli është cilësuar si i rregullt.
Sot komisioni disiplinor ka vendosur mos ta ndëshkojë Gattuson për kryendeshjen e javës që Milani e luan ndaj Juventusit në San Siro.
Gattuso ka shpëtuar me vetëm një vërejtje./IndeksOnline/