​Pa asnjë humbje, KB Vëllaznimi shpallet kampion i Ligës së Parë

Klubi i Basketbollit Vëllaznimi nga Gjakova është shpallur kampion i Ligës së Parë të Kosovës në basketboll.

Skuadra nga Gjakova e ka mposhtur skuadrën Prishtina e Re në finalen e play-off-it me rezultat 89-72, raporton KosovaPress.

Kështu Vëllaznimi në këtë edicion ka bërë paraqitje të jashtëzakonshme duke regjistruar 22 fitore në 22 ndeshjet e zhvilluara në këtë garë dhe rrjedhimisht edhe do të jetë pjesë e Superligës së Kosovës në basketboll për edicionin e ardhshëm.