​Stano thotë se marrëveshja Kosovë-Serbi duhet të mbulojë të gjitha çështjet e hapura

Bashkimi Evropian nuk do të përcaktojë marrëveshjen midis Kosovës dhe Serbisë, ka thënë zëdhënësi i BE-së, Peter Stano.

Sipas tij, iu takon të dyja palëve që të dakordohen brenda perimetrave të caktuar.

“BE nuk e rishkruan marrëveshjen si një recetë, por thotë se ajo duhet të mbulojë të gjitha çështjet e hapura, të jetë ligjërisht e detyrueshme dhe në përputhje me ligjin e BE dhe të drejtën ndërkombëtare. Për çfarëdo që palët bien dakord, bazuar në këto parametra, do të jetë një zgjidhje e kënaqshme,” tha Stano