1 mijë e 351 kosovarë e humbën jetën nga Covid19

Numri total i rasteve pozitive në vend që nga 13 marsi kur është paraqitur rasti i parë me COVID-19 është 52 mijë e 134 raste nga 188 mijë e 138 persona të dyshimtë me virusin SARS-CoV-2.

Që nga fillimi i pandemisë e deri tani 1 mijë e 351 persona me COVID-19 kanë humbur jetën.

Ndërsa numri i rasteve aktive me COVID-19 është 7 mijë e 835 raste.

I lartë mbetet edhe numri i personave që janë shëruar nga ky virus, ku numri i përgjithshëm ka arritur në 42 mijë e 948 pacientë të shëruar.

IKSHPK-ja njoftoi se gjatë 24-orëve të fundit kanë rezultuar pozitive 169 mostra të marra nga SHSKUK-ja dhe gjurmimi i kontakteve të rasteve në terren.

Po ashtu gjatë 24-orëve të fundit shtatë pacientë kanë humbur jetën teksa janë shëruar 313 sish.