10 vjeçari kosovar që po shfaqë talent në Austri, synimi i tij është të luaj për Kosovën

Dion Kabashi vazhdon të jetë një nga talentët me premtues të gjeneratës. Futbollisti 10 vjeçar kosovar, anëtar i akademisë SV Justiz në Austri po ecën me hapa të sigurt drejt të qenit futbollist profesionist.

Ëndrra e tij është që një ditë të luaj për Kosovën, ani pse si futbollist angazhohet në akademinë e njohur të Grazit në Austri. Prindërit e Dionit vazhdojnë të jenë të përkushtuar e angazhuar në çdo hap të zhvillimit të tij si futbollist.

Akademia e SV Justiz në Austri është e bindur se Kabashi ka të gjitha elementet e një futbollisti të talentuar dhe besojnë në të ardhmen e tij.

Babai i tij, Armendi ka thënë se dëshira e vazhdueshme e Dionit është që një ditë të luaj për Kosovën, gjë të cilën e thotë vazhdimisht.