18:00 / E Diele, 03 Dhjetor 2023 / AR

10 vjet nga vdekja e Paul Walker, e përkujton vajza

Vajza e aktorit të ndjerë Paul Walker, Meadow Walker ka përkujtuar babain e saj në 10-vjetorin e vdekjes së tij.

25-vjeçarja ka publikuar një video të bërë gjatë kohës që aktori ishte gjallë, teksa e ka surprizuar atë në ditën e tij të lindjes.

“10 vite pa ty…Të dua përgjithmonë”, shkruan Meadow bashkangjitur postimit, i cili ka marrë mbi 4 milion shikime dhe është pëlqyer edhe nga Vin Diesel.

Jordana Brewster, e cila ka luajtur përkrah Walker në filmin “Fast & Furious”, ka komentuar në këtë postim, duke shkruar: “Të dua shumë”, të shoqëruar me ikonën e një zemre.