Punëtoret teknike në muajin tretë të grevës, futen brenda ambienteve të kuvendit

Kryetari i Federatës Sindikale të Punëtorëve të Sektorit Privat, Jusuf Azemi, ka njoftuar se punëtorët teknike të Kuvendit të Kosovës po futen në muajin e tretë të grevës.

Përmes një postimi në rrjetin social në Facebook, Azemi ka thënë ato do të kthehen në punë vetëm kur do t’u plotësohen kërkesat e tyre.

‘’Sot po hyjmë në muajin e tretë të grevës në Kuvendin e Kosovës, greva me e gjatë që e njeh historia, të dyja palët nuk po lëvizin, grevistët jo se jo , vetëm plotësimi i kërkesës ato i kthen në punë’’, ka thënë Azemi.

Ai po ashtu ka falëndëruar nënkryetaren e Kuvendit të Kosovës, Saranda Bogojuevci që akomodoi grevistet në ambientin e brendshëm të kuvendit./Indeksonline/