Koci me kritika ndaj deputetëve të Kuvendit: Kur është në pyetje pushimi, festat dhe interesi personal, merren vesh menjëherë

Deputetët e Kuvendit të Kosovës u mblodhën sot për të konstituuar Kuvendin mirëpo përsëri nuk ia dolën.

Mirëpo përkundër dallimeve për konstituimin e Kuvendit ata u morrën vesh që seanca e radhës të mbahet jo mbas 48-të orëve, të premten por nesër.

E lidhur me këtë avokati i njohur, Arianit Koci ka pasur kritika. Ai përmes një postimi në rrjetin social në Facebook u shpreh se kur është në pyetje pushimi, festat dhe interesi personal, merren vesh menjëherë.

Postimi i plotë:

Kur është në pyetje pushimi, festat dhe interesi personal – deputetët merren vesh menjëherë!

Sot ishim marë vesh që të premten mos me e mbajtë seancën. Me festu.

Bajram!

Por kur është fjala për popullin – 26 herë dështim radhazi!

Asnjë marrëveshje për të mirën e vendit.

Asnjë përgjegjësi për votuesin që i solli aty.

Vetëm kalkulime, hesape dhe ruajtje të pozitave.

Turp!

Kuvendi është kthyer në arenë pazari – jo institucion shtetëror.

E populli – veç po e shikon.

Por jo edhe për shumë gjatë.

Po vjen dita me ua tregu se kujt i takon  ky vend.

Dhe kush duhet ta përfaqësojë me dinjitet./Indeksonline/