21:27 / E Diele, 13 Qershor 2021 / AR
150€ gjobë, 2 pikë negative dhe ndalim i vozitjes për 3 muaj për shoferin e “Golf 2”
Indeksonline sot ka raportuar për një tejkalim në vijë të plotë nga një shofer i veturës “Golf 2”.
Rasti ka ndodhur në magjistralen Prishtinë-Podujevë. Pas këtij raportimi, shoferit i është shqiptuar gjoba prej 150 eurosh.
Kështu mëson Indeksonline nga burimet e veta brenda Policisë teksa edhe ka siguruar fletëparaqitjen për kundërvajtje.
Po ashtu të njëjtit i janë vendosur edhe dy pikë negative dhe i është ndaluar e drejta e vozitjes për 3 muaj.
