18 vjet nga vrasja e Triumf Rizës, nesër vendoset guri themeltar i memorialit për të

Nesër në lagjen Dardania në Prishtinë, tek vendi ku ka rënë në krye të detyrës zyrtari policor Triumf Riza, do të mbahet ceremonia e homazhit pranë pllakës përkujtimore kushtuar atij.

Sipas njoftimit zyrtar të Policisë së Kosovës, ceremonia do të fillojë në orën 10:00.

Gjatë kësaj ceremonie po ashtu do të bëhet edhe vendosja e gurthemelit të memorialit i cili do të ndërtohet si simbol nderimi dhe kujtimi për veprën e tij dhe për sakrificën e të gjithë zyrtarëve policorë që kanë dhënë jetën në krye të detyrës, shkruan IndeksOnline.

“Në ceremoni pritet të marrin pjesë personalitete të larta shtetërore, përfshirë: kryeministri në detyrë i Republikës së Kosovës, z. Albin Kurti, ministri i Punëve të Brendshme në detyrë z. Xhelal Sveçla, drejtori i Përgjithshëm i Policisë së Kosovës kolonel Gazmend Hoxha si dhe eprorë të lartë të Policisë së Kosovës” thuhet në njoftim.