​Katy Perry i përgjigjet kritikëve pasi shiti të gjitha biletat në Madison Square Garden

Pas shitjes së të gjitha biletave për koncertin e saj më 11 gusht në Madison Square Garden, Katy Perry iu drejtua kritikëve që thoshin se nuk do të mundej.

“Thoshin, ‘Asnjë shans! MSG nuk mund të bëhej’”, tha Katy para 19,500 fansave. “Dhe unë gjithashtu kisha frikë”.

Sipas E! News, ajo përshkroi energjinë e New York-ut: “Ishte vonë, kishte njerëz të dehur dhe çifte që putheshin… dhe unë e dashurova”. Katy tha se qyteti përfaqëson jetën në të gjitha anët e saj: lartësitë, uljet, mesataret, kaosin dhe bukurinë, duke theksuar se një nga fjalët e saj të preferuara është autenticiteti.

Gjatë turneut, Katy nuk ka ngurruar të përgjigjet kritikëve, duke mohuar thashethemet që e konsideronin personin më të urryer në internet dhe duke kundërshtuar ata që dyshonin në aftësitë e saj për të kërcyer.

Ajo gjithashtu falënderoi fansat për mbështetjen e tyre pas ndarjes nga Orlando Bloom: “Faleminderit që gjithmonë jeni aty për mua. Kjo do të thotë shumë”.