Prindit kosovar i kushton 2500 franga një selfie e djalit të tij me Granit Xhakën

Një selfie e djalit të tij me Granit Xhakën pas ndeshjes Zvicër-Kosovë që u luajt në nëntor të vitit të kaluar në Basel, do t’i kushtoi me 2500 franga Driton Sedajt.

Pas ndeshjes, djali i tij Floriani kaloi rojat e sigurisë dhe ia arriti të fotografohej me Xhakën.

Të premten e javës së kaluar, posta nga Federata Zvicerane e Futbollit (SFV) mbërriti papritur në kutinë postare të familjes Sedaj.

Driton Sedaj duhet të paguajë 2597.15 franga gjobë për fushatën “ilegale” të selfieve./Indeksonline/