Sulmi me raketa në Iran/ Zyrtarët perëndimorë: Izraeli po “teston ujërat”

Iranianët u zgjuan të shqetësuar pas raportimeve për një sulm me dronë dhe raketa në një vend ushtarak në Isfahan. Disa zyrtarë perëndimorë që ishin në dijeni për hakmarrjen e mundshme të Izraelit kundër sulmit të paprecedentë të Iranit me dronë dhe raketa ndaj Izraelit besojnë se kjo është vetëm “faza e parë”.

“Strategjia është: Sulm i vogël për ta bërë Iranin të reagojë për një përgjigje të madhe në vendet bërthamore”, sipas një diplomati perëndimor në Liban.

Ndërkohë, një zyrtar ushtarak perëndimor tha se bazuar në raportet nga Siria dhe Irani, duke treguar se disa radarë thelbësorë ishin objektivi i sulmeve me dron në të dy vendet, “izraelitët po pasqyrojnë Iranin dhe aleatët e tij si Hezbollahu, duke u përpjekur fillimisht të shkatërrojnë radarët, duke krijuar objektiva të rremë, si dhe duke u përpjekur të dëmtojë radarët për të çaktivizuar sistemet e përgjimit”, thanë ata.

Ka ende shumë informacione kontradiktore nga Irani në lidhje me incidentin, me një media iraniane që ka mohuar sulmin. Ndërsa disa zyrtarë iranianë thanë “nuk do të ketë asnjë reagim nga Irani për incidentin”.

Por lind pyetja, a ishte kjo me të vërtetë hakmarrja e pritshme e Izraelit?

Zyrtarët perëndimorë besojnë të kundërtën. Ata thanë se është një kurth për të testuar ujërat.