200 mijë raste në një ditë, hotelet dhe sallat e dasmave shndërrohen në qendra Covid-19 në Indi

Në New Delhi, më shumë se një duzinë hotelesh dhe salla dasmash u shndërruan në qendra Covid-19, bashkangjitur spitaleve, transmeton Indeksonline.

“Rritja e rasteve me Covid-19 është alarmante“, tha SK Sarin, një ekspert shëndetësor i qeverisë në New Delhi.

Arvind Kejriwal, një zyrtar i lartë në Delhi, njoftoi orarin për të thyer zinxhirin e infeksioneve në kryeqytet, ku në kryeqytet u raportuan 17,282 raste të reja dhe 104 vdekje, në 24 orët e fundit.

“Udhëtimet në stacionet hekurudhore, spitalet dhe aeroportet do të lejohen si shërbime thelbësore, por qendrat tregtare, gjimnazet, llixhat dhe auditorët duhet të mbyllen“, tha ai në një deklaratë.

Ai gjithashtu tha që 5,000 shtretër spitalorë janë në dispozicion dhe kapacitetet po shtohet, raporton tvnz.

Përveç 200,739 rasteve të reja të infeksionit, Ministria e Shëndetësisë gjithashtu raportoi 1,038 viktima nga Covid-19 në 24 orët e fundit, duke çuar vdekjet në 173,123 që nga fillimi i pandemisë vitin e kaluar.

Rastet totale të Indisë janë të dytat, pas Shteteve të Bashkuara dhe vdekjet e saj janë të katërta pas SHBA-ve, Brazilit dhe Meksikës.

India po nxit vaksinimin e saj. Ministria e Shëndetësisë tha se vaksinat totale kaluan 114 milionë me më shumë se 3 milionë doza të administruara të mërkurën./Indeksonline/